БОШЛАНҒИЧ СИНФ ЎҚУВЧИЛАРИДА ТАЯНЧ КОМПЕТЕНЦИЯЛАРНИ ШАКЛЛАНТИРИШ ДОЛЗАРБ МЕТОДИК МУАММО СИФАТИДА

Аннотация

Мақолада компетентлилик ўқувчида таркиб топган шахсий сифатлар ва берилган соҳадаги
фаолияти бўйича тўплаган минимал даражадаги билим, кўникма, малакалари ва амалий
тажрибалари хусусида фикр юритилади. Хусусий компетенциялар билан таянч компетенциялар
ўзаро фарқланади. Таянч компетенциялар ўқувчининг истиқболдаги ҳаётий-ижтимоий фаолияти
модели ҳисобланади. Ўқувчилар муайян билим, кўникма, малака ва тажрибага эга бўлгач, ўзлари
эгаллаган компетенцияларни фаолиятлари орқали татбиқ эта оладилар. Таянч компетенциялар
кўпроқ ўқувчининг истиқболдаги ижтимоий фаолияти учун зарур ҳисобланади. Хусусий ўқув фани
доирасида ўзлаштириладиган компетенциялар эса, асосан, ўқув ва истиқболдаги касбий фаолият
самарадорлигини таъминлайди. Компетенциялар ҳар бир мамлакат халқининг турмуш тарзи,
маданий, маънавий ҳаёти, анъаналаридан келиб чиққан ҳолда шакллантирилади.